Salam Qədirzadə – Sevdasız aylar

Salam Qədirzadənin “Sevdasız aylar” romanı yarandığı illərdə – sovet dönəmində gənclərin ən çox oxuduğu, əldən-ələ ötürülən bir neçə populyar əsərdən biri olub. Üzərindən illər keçsə də, Sevda və Asif adlı iki gəncin tələbəlik illərini, təmiz məhəbbətini, bir-birindən ayrı düşərək çəkdiyi həsrəti əks etdirən əsər öz aktuallığını, təravətini və maraq səviyyəsini itirməyib. Asifin “Titi”, yəni “Çiçək” adlandırdığı Sevdanın xarakteri, sevgisi, həyatının ən gözəl dövrü olan tələbəlik illərinin maraqlı və səmimi təsviri oxucunun diqqətini cəlb edəcək, onu öz tələbəliyinə, öz gəncliyinə səyahətə çıxaracaq.

Kitabda Salam Qədirzadənin “Müqəddəs yalan” hekayəsi də yer alır. Hekayədə bir-birini saf məhəbbətlə sevən cütlüyün başına gələnlərdən, bu iki gəncin eşqinin həyatın sınağına davam gətirib-gətirməyəcəyindən danışılır.