Cek London – Hekayələr

Dünya şöhrətli yazıçı Cek Londonun "Qurd oğlu" və "Şimal Odisseyası" hekayələri Azərbaycan dilində ilk dəfə çap edilir. Hekayələri mərhum müəllim, şair, əruzşünas alim Zülfəli Zülfəliyev 1980-ci ildə dilimizə çevirsə də, təəssüf ki, indiyə qədər bu tərcümə işıq üzü görməyib. Bu maraqlı hekayələri filologiya üzrə fəlsəfə doktoru Şəmil Sadiq Zülfəli müəllimin arxivində işləyərək üzə çıxarıb.

Kitaba amerikalı yazıçı, daha çox sərgüzəştlərlə dolu hekayə və romanların müəllifi Cek Londonun 4 hekayəsi – “Qurd oğlu”, “Şimal Odisseyası”, “Meksikalı” və “Dönük” daxil edilib. Hekayələr güclü emosional təsirə malikdir.